------------------------------------------------------
ဦးမျိုးမြင့်ညိမ်းက အချုပ်ကားထဲကနေ မှာကြားပါတယ်။“ကျွန်တော် မကြာပါဘူး …
ကျွန်တော့် အယ်ဒီတာနေရာမှာ မညို ဝင်လုပ်ထားပေးပါ”
မကြာဘူးလို့ သူယုံကြည်ခဲ့ဟန် ရှိပါတယ်။
ကျွန်မတို့လည်း ယုံကြည်ခဲ့ကြတယ်။
သူ့ “ မကြာဘူး ” ဆိုတာ (၁၃) နှစ်တောင် ကြာခဲ့ပါတယ်။
သူပြန်လွတ်လာတော့ သူ့သားလေး အာရဖတ်ခမျာ အတော့်ကိုမကျန်းမာဘူး။
သူ့ သားလေးရဲ့ နောက်ဆုံးအချိန်တွေ ကျွန်မက ဆေးရုံမှာ သွားကြည့် အားပေးခဲ့တယ်။
နောက်ဆုံးခရီးကို ကျွန်မပို့ဆောင်ခဲ့တယ်။
ဦးဝင်းငြိမ်း ငိုကြွေးနေရှာခဲ့တာကို ခုတွေးရင် ခုသတိရ နာကျင်ရပါတယ်။
------------------------------------------------------
အမြတ်တနိုးလက်ပတ်နာရီ (၀တ္ထုတို စ/ဆုံး)မြနှောင်းညို...
ဘယ်သူမဆို အမြတ်တနိုးအထားဆုံး အရာတခုတော့ ရှိတတ်တယ်။ ကျွန်မရဲ့ အမြတ်တနိုး အထားဆုံးအရာက အနှစ်နှစ်အလလ လိုချင်တမ်းတလာခဲ့ရတဲ့ ရိုးလက်စ် Rolex လက်ပတ်နာရီကလေးပါပဲ။ တန်ဖိုးထားလိုက်သမှ ကျွန်မတသက်တာ စုဆောင်းဝယ်ယူထားတဲ့ စိန်နားကပ်၊ စိန်လက်စွပ်တို့လို အခြားသော ပိုင်ဆိုင်မှုတွေထက် ဟောဒီ ရိုးလက်စ်နာရီကလေးကိုသာ တန်ဖိုးထားခဲ့တယ်။ ပိုပြီး ဈေးကြီး ကြပါစေ၊ ရှားပါးကြပါစေ၊ ကျွန်မလိုချင်လွန်းလှလို့ ခြစ်ကုပ်ဝယ်ယူထားခဲ့တဲ့ ဟောဒီ နာရီကလေးသည်သာ တန်ဖိုးအကြီးဆုံး အနှိုင်းမဲ့ ဖြစ်တော့တယ်။
ရိုးလက်စ် လက်ပတ်နာရီလေးတလုံးကို ဝယ်ယူနိုင်တဲ့ ငွေကြေးပမာဏ ရှိမလာခင် လေးငါးနှစ်အတွင်းက ဆိုရင် ဥစ္စာရူးတယောက်လို စိတ်ကူးယဉ်အိပ်မက်တွေ အကြိကြိမ်မက်ခဲ့ရတာ ခုနစ်နှစ် ကြာမြင့်ခဲ့ပါတယ်။ လူထုကျန်းမာရေး ဝန်ဆောင်မှုအဖွဲ့အစည်း PSI / Myanmar မှာ အလုပ်ရပြီးကတည်းက လစာငွေကို ခွဲခြမ်း ချွေတာစုဆောင်းလိုက်ရတာများ ရေတွက်လိုက်၊ သိမ်းထားလိုက်၊ ဘယ်တော့များ ပြည့်မီလာပါ့မလဲ ဆိုပြီး စိုးရမ်းကြောင့်ကြခဲ့ရတဲ့ အချိန်တွေဟာ မပြီးဆုံးနိုင်ဘူးလို့တောင်မှ သောကများခဲ့ရတာပါ။
ရိုးလက်စ် လက်ပတ်နာရီတလုံးကို လက်ထဲပိုင်ဆိုင်ခွင့်ရအောင် ဝယ်ယူနိုင်ခဲ့တဲ့နေ့ ဆိုက်ရောက် လာခဲ့တာကို သတိတရ ရှိနေခဲ့ပါတယ်။ ၂ဝဝ၇ ခုနှစ်၊ ဖေဖော်ဝါရီ ၁ ရက်နေ့ဆိုတဲ့ နာရီရောင်းတဲ့ ချယ်ရီဦးက ပေးတဲ့ ပြေစာကို ယနေ့တိုင် မှတ်မှတ်ထင်ထင် ကျွန်မ သိမ်းထားရတယ် မဟုတ်လား။
ချယ်ရီဦး အရောင်းမန်နေဂျာက နာရီဝယ်မယ့် ကျွန်မကို နောက်ပေါ် နာရီပုံစံတွေ ပြသတာကို ကျွန်မ သတိရနေပါတယ်။ ရွှေရောင်တို့ ဒိုင်ခွက်ပတ်လည်မှာ စိန်စီတဲ့ ပုံစံတို့၊ ဒါပေမယ့် ကျွန်မက ငွေရောင် ဒိုင်ခွက်ကလေးကိုပဲ လိုချင်တာ အပြောင်းအလဲမရှိတမ်းပါပဲ။ အဲဒိပုံစံနဲ့ ဆိုရင် မြန်မာပြည်မှာ ရှိမနေတော့လို့ စင်ကာပူကို လှမ်းမှာပေးရလိမ့်မယ်တဲ့။ တလလောက်စောင့်ရလိမ့်မယ်တဲ့။ ခုနစ်နှစ်စောင့်လာပြီးမှတော့ တလဆိုတာ ကျွန်မအတွက် အေးဆေးပါပဲ။ ဒေါ်လာ ၄ဝဝဝ ( လေးထောင် )ကျော် အကုန် အကျခံပြီးမှ လိုချင်တဲ့ ပုံစံကိုပဲ စောင့်ယူတော့တာပေါ့။
လက်ပတ်နာရီ အကြောင်းပြောရင်း အရင်နှစ်ပေါင်းများစွာတုန်းက ဆိုပါတော့ ၁၉၇၆ လောက်တုန်းက [ စီကို Seiko ] နာရီကလေးကို သတိရလာတယ်။ ကျွန်မတို့ ညီအစ်မတွေအနက် အငယ်ဆုံး “ စူးစူး ” ဟာ အလှပဆုံး ခေတ်အမီဆုံး၊ အသွက်လက်ဆုံး ဖြစ်တယ်ဆိုပြီး ကျွန်မတို့ အစ်မတွေက အထင်ကြီးကြ၊ အားကိုးကြတယ်လေ။
အဲဒီ နှစ်တွေတုန်းက ကျွန်မဟာ နာရီလဲချင်နေတဲ့ အချိန်ဖြစ်တယ်။ အပျိုတုန်းက မေမေဆင်ထားတဲ့ ရိုးမား Roma နာရီကလေးက လေးပြီး ရိုးတယ်လို့ ထင်လာခဲ့တာကြာပြီလေ။ အမျိုးအစားကောင်း တခုမှန်း ကျွန်မက နားမှမလည်ခဲ့တာ။ ခေတ်စားတာကိုပဲ အထင်ကြီးအားကျချင်တဲ့ လူငယ်ဘဝ။
ဒီ ဝတ္ထုကိုရေးရင်း ကျွန်မနဲ့ သက်ဆိုင်တာကလေးကို ရင်ဖွင့်ပြောပြချင်နေပါတယ်။ ကျွန်မဟာ ဆေးကျောင်း မပြီးခင်က စောစောစီးစီး အိမ်ထောင်ကျတဲ့သူဆိုတာကို စာဖတ်သူ သိထားနှင့်ပြီး ဖြစ်ကောင်းဖြစ်ပေမယ့် ကျွန်မရေးပြ၊ ပြောပြတာကို ဖတ်နေကျ မဟုတ်ရင်တော့လည်း သိချင်မှ သိထားမှာမို့ ထပ်ပြောပြဖို့ လိုနေမှာပေါ့။ စာရေးသူအနေနဲ့ နည်းနည်း ပိုရေးလိုက် ပြောလိုက်တာ အပန်းမကြီးပါဘူး။ သိမှလည်း ဇာတ်ရည်လည်မှာဆိုတော့ လိုအပ်တယ်လို့ ထင်တာနဲ့ ရေးသားရပြန်တာပါနော်။
ဆရာဝန်ခင်ပွန်းဖြစ်သူ ပြောင်းရွှေ့ရာ သထုံမှာ မိသားစုလိုက်နေကြပြီး တနှစ်မှ တခါနှစ်ခါဆိုသလို အကြောင်းကိစ္စရှိတဲ့အခါ ရန်ကုန်ဆင်းလာလေ့ရှိတာကိုလည်း ရေးပြဦးမှ ဖြစ်မှာပေါ့နော။ သားငယ် တနှစ်သားလောက်မှာ ရန်ကုန် တခေါက်ဆင်းလာဖြစ်ခဲ့ပြန်ပါတယ်။ ရန်ကုန်ရောက်ရင် ရွှေတိဂုံ၊ ကမ္ဘာအေး ဘုရားဖူးနေကျ ဖြစ်သလို ဗိုလ်ချုပ်ဈေးတို့ သိမ်ကြီးဈေးတို့ကိုလည်း အဝယ်အခြမ်းထွက်ရတာက အဲ့ဒိကာလ နှစ်သုံးလေးဆယ်တုန်းက ပုံရိပ်တခုပေါ့။
ကျွန်မက ကျွန်မရဲ့ ရိုးမားနာရီကလေးကို တပည့်သားချင်းတယောက်ကိုပေးလိုက်တယ်။ ပြီးတော့ ညီမငယ် စူးစူးကို ကျွန်မအတွက် နာရီအသစ်တခု လိုက်ဝယ်ပေးပါလို့ နားပူတယ်။ဒါနဲ့သူက ကျွန်မကို ဗိုလ်ချုပ်ဈေး ခေါ်သွားတယ်။ ဗိုလ်ချုပ်ဈေးဆိုတာဟာ အဲဒီ အချိန်တွေတုန်းက အရမ်းကို လျှမ်းလျှမ်းတောက် စည်ကားတဲ့နေရာပေါ့။ နာရီအသစ်တွေကို ညီအစ်မနှစ်ယောက် ကြည့်ကြ၊ ရွေးကြတယ်။
“ မမ .. ဒီနာရီလေးက ချစ်စရာလေးနော် ”
သူပြတဲ့ နာရီကလေးက ချောကလက်တုံးလေးနဲ့ တူလိုက်တာ။ သူပြောသလိုပဲ ချစ်စရာလေးလို့ ထင်တာပါပဲ။
“ အညိုရောင်ကလေးဆိုတော့ .. အဝတ်အစားလည်း မရွေးဘူး မမရဲ့ ”
သူပြောတာ ဟုတ်သလိုလို၊ သူက ရန်ကုန်မှာ နေတော့ ကျွန်မထက်ပိုပြီး မြင်တတ်၊ကြည့်တတ်မှာပါပဲ။
“ အင်းပေါ့ .. ဒါပဲ ဝယ်လိုက်ကြတာပေါ့ ”
ဗိုလ်ချုပ်ဈေးကနေ အိမ်ပြန်လာကြတော့ ကျွန်မရဲ့ညီမ နီနီ၊ မေမေနဲ့ အတူရှိနေကြတဲ့ တခြား ဆွေမျိုးသား ချင်းတွေကလည်း နာရီကလေးလှလိုက်တာလို့ ဝိုင်းပြောကြ၊ ကြည့်ကြနဲ့ပေါ့။ ကျွန်မမှာ အိပ်ရာဝင်ကာမှပဲ ချွတ်တော့တဲ့အထိ နာရီလေးကို စွဲလမ်းခဲ့ဟန်ရှိပါရဲ့။ အဲဒီခေတ် တန်ကြေး ( ၆ဝဝ ကျပ် ) ဆိုတာကလည်း မနည်းမနော ပေးရတာလေ။ ရွှေဈေးတောင်မှ ထောင်ဂဏန်းပဲရှိသေးတာ မဟုတ်လား။
“ ချော့ကလက်နာရီ ”
ညီမနီနီက ကျီစယ်တယ်။ ကျွန်မက ချောကလက်တုံးကို ကိုက်စားတော့မလို တုံ့ပြန်တယ်။ လူ့စိတ်ဆိုတာ အတော်ထူးဆန်းပါတယ်။ အဲဒီလို ကျွန်မနှစ်သက်နေတဲ့ နာရီကို ဘယ်သူမှလည်း မကန့်ကွက်ပါဘဲနဲ့ နောက်တနေ့ကြတော့ ကျွန်မ မလိုချင်တော့ဘူး။ နာရီကလည်း ကလေးကလား နိုင်လိုက်တာလို့ စိတ်တိုင်း မကျတော့တာ။ ဒီလောက်ဈေးကြီးပေးဝယ်ထားပြီးကာမှ မလိုချင်တော့ဘူး အတော်ရူးသွပ်တဲ့ စိတ်ပါလား ဆိုပြီး ကိုယ့်ကိုကိုယ် စိတ်တိုမိတော့တယ်။ကိုယ်ကြိုက်လို့ ကိုယ်ဝယ်လာတာ ချေးများမနေနဲ့လို့ ကျွန်မကို ကျွန်မ ဆုံးမရတယ်။ နေ့စဉ်နေ့တိုင်း မကြိုက်တော့တဲ့ ချောကလက်နာရီကိုလည်း ကိုယ့်ကိုကိုယ် ဒဏ်ပေးတဲ့ အနေနဲ့ နေ့စဉ်နေ့တိုင်း ပတ်ခဲ့ရပါတယ်။
သားငယ် လေးနှစ်သား ကျော်ကျော်လောက်မှာ ကျွန်မက ဆေးကျောင်းဆက်တက်ခွင့်ရတယ်။ ခုမှပဲ ကျွန်မနဲ့ ဆေးကျောင်းကိစ္စကို ပြောပြဖို့လိုလာတာမို့ ပြောပါပြီနော်။ ကျွန်မက ဆေးကျောင်းတက်ခဲ့ဖူးရာက ကျောင်းတဝက်တပျက်နဲ့ ဆေးခွင့်တင်ပြီး ထွက်နေခဲ့တာပါ။ ကိုးနှစ်အကြာမှာမှ
ကျောင်းဆက်တက်ခွင့် ပြန်ရတော့တာ။ သူငယ်ချင်းတွေ ဘွဲ့ရချိန်မှာ ကျွန်မက ဆရာဝန်မဖြစ်သေး၊ ကိုယ့် ထက် ကိုးနှစ်ငယ်တဲ့ သူငယ်ချင်းလေးတွေနဲ့ အတူတက်ပြီးမှ ဘွဲ့ရပြီး ဆရာဝန် ဖြစ်လာရတာပေါ့။ ကျွန်မရဲ့ ကုသိုလ်ကံကောင်းလှပေတယ်လို့ မယုံနိုင်အောင် ရှိပါရဲ့။
ဆရာဝန်ဖြစ်လာတဲ့ အချိန်မှာပဲ ကျွန်မ စာရေးဆရာလည်း ဖြစ်လာခဲ့ပါတယ်။ အင်းစိန် အောင်ဆန်းမှာနေတဲ့ ကျွန်မဟာ စာမူသွားပို့၊ စာအုပ်သွားထုတ်၊ စာမူခသွားယူနဲ့ မဂ္ဂဇင်းတိုက်တွေမှာ ခြေရာထပ်ခဲ့တာပေါ့။ ခေတ်ရဲ့ခြိမ်းခြောက်မှုတွေကို ကျွန်မတို့ ဖြတ်သန်းကြရတဲ့ အကြောင်းတွေမပါရင် အသက်မဝင်ဘဲ ပျင်းတွဲနေနေလိမ့်မယ်လို့ ကျွန်မတွေးမိတယ်။
ကျွန်မပုံမှန်ရေးနေကျ ပေဖူးလွှာမဂ္ဂဇင်းက အယ်ဒီတာ ဦးမျိုးမြင့်ညိမ်းကို ၁၉၈၈ အလွန်ပိုင်းမှာ “ဘာတွေဖြစ်ကုန်ကြပြီလဲ” ဆောင်းပါးအပါအဝင် ခွင့်မပြုဘဲ စာစောင်ထုတ်ဝေမှုနဲ့ ဖမ်းဆီးချုပ်နှောင် အကျဉ်းချလိုက်တာအတွက် ကျွန်မတို့မှာ အတော့်ကို မကျေမချမ်း အံ့သြစိတ်ဆိုးရပါတယ်။ ဒါဟာ ပြည်သူ့ အပေါ် နိုင်လိုမင်းထက် အာဏာပြခြင်း ဖြစ်တယ်လို့ ကျွန်မ ယူဆခံစားရတယ်။ (၈၈ အရေးအခင်းတုန်း ကလည်း အဲသလိုပဲခံစားရလို့ ကိုယ့်ဆန္ဒအတိုင်း စီတန်းလှည့်လည် ဆန္ဒပြခဲ့တယ်။ ဆရာမောင်စွမ်းရည်နဲ့ အတူ နေ့တိုင်းချီတက်ကြတဲ့အကြောင်းကို ဆရာ့သမီး ဥမ္မာဝင်းဖေနဲ့ ရှေးဟောင်းနှောင်းဖြစ် စားမြုံ့ပြန် ရသေးတာ)။
စာ ရေးဆရာဆိုလို့ ကျွန်မတို့အပြင် ပန်းချီ ယဉ်မင်းပိုက်ပဲပါတယ်လို့ တွက်မိကြတယ်။ အဲဒီတုန်းက ဆရာဝင်းခက်တို့၊ ဆရာတင်မိုးတို့၊ ဆရာမင်းသိင်္ခတို့ ဆရာမောင်မိုးသူတို့က ရန်ကုန်ဆေးရုံကြီးအောက်မှာ ဟောပြောနေကြတာကိုးလို့ သတိရပြီး ရယ်မောကြရတယ်။ ဒါတွေဟာ အစစ်အမှန် ဖြစ်ခဲ့တာတွေပါ။ သံယောဇဉ်ဆိုတာ အကောင်အထည်ဖော်မပြနိုင်ပေမယ့် ရှိတာသေချာပါတယ်။
ဆရာမျိုးမြင့်ညိမ်းကို ဘားလမ်းရဲစခန်းမှာ သွားတွေ့တယ်။ ပန်းချီဆရာ မြင့်မောင်ကျော်လည်း ကျွန်မတို့ အတူလာတွေ့သူတွေနဲ့ အတူရောက်နေတာပေါ့။
ဦးမျိုးမြင့်ညိမ်းက အချုပ်ကားထဲကနေ မှာကြားပါတယ်။
“ ကျွန်တော် မကြာပါဘူး .. ကျွန်တော့် အယ်ဒီတာနေရာမှာ မညို ဝင်လုပ်ထားပေးပါ ”
မကြာဘူးလို့ သူယုံကြည်ခဲ့ဟန် ရှိပါတယ်။ ကျွန်မတို့လည်း ယုံကြည်ခဲ့ကြတယ်။
သူ့ “ မကြာဘူး ” ဆိုတာ ( ၁၃ ) နှစ်တောင် ကြာခဲ့ပါတယ်။ သူပြန်လွတ်လာတော့ သူ့သားလေး အာရဖတ်ခမျာ အတော်ကို မကျန်းမာဘူး။ သူ့ သားလေးရဲ့ နောက်ဆုံးအချိန်တွေ ကျွန်မက ဆေးရုံမှာ သွားကြည့် အားပေးခဲ့တယ်။ နောက်ဆုံးခရီးကို ကျွန်မပို့ဆောင်ခဲ့တယ်။ ဦးဝင်းငြိမ်း ငိုကြွေးနေရှာခဲ့တာကို ခုတွေးရင် ခုသတိရ နာကျင်ရပါတယ်။ (သံယောဇဉ်ဆိုတာ အကောင်အထည် မဖော်ပြနိုင်ပေမယ့် ရှိတာသေချာ ပါတယ်လို့ ထပ်မံ ထောက်ပြပါရစေဦး။ )
ဘာ လို့များ ကျွန်မက ဒါတွေ တွေးမိ၊ ရေးမိနေရတာလဲ။ ကျွန်မ အကြောင်းရင်း ရှာဖွေရပါတယ်။ သြော် .. သိပြီ၊ သိပြီ။ ချော့ကလက် “ ဆီကို ” လက်ပတ်နာရီနဲ့ ဆက်စပ်သွားလို့
ဖြစ်မှာပေါ့။ မကြိုက်တော့ပေမယ့် ကုန်ကျတဲ့ ငွေတန်ကြေးကို နှမြောလို့ အတူရွေးချယ် ဝယ်ခြမ်းပေးတဲ့ ညီမလေးကိုလည်း အားနာလို့ ချော့ကလက် ဆီကိုလေးကို ကျွန်မက သစ္စာရှိရှိ ပတ်ခဲ့တာပါ။
တနေ့တော့ ဘတ်စ်ကားစီးပြီး တိုးဝှေ့ရင်းနဲ့ပဲ ပေဖူးလွှာ မဂ္ဂဇင်းတိုက်ကို ရောက်သွားခဲ့ပါတယ်။ ခဏတဖြုတ် ထိုင်နားရင်း အယ်ဒီတာအဖွဲ့နဲ့ စကားစမြည်ပြောနေဖြစ်ကြတယ်။
“ ဟောတော့ ” ကိုယ့်ဘယ်လက်ဖျံကို ကိုယ်စမ်းသပ်ရင်း ငုံ့ကြည့်ရင်းက ကျွန်မ ထိတ်ထိတ်ပျာပျာ အာမေဍိတ် ပြုမိတယ်။
“ ဘာဖြစ်လို့လဲ မညို ”
“ ကျွန်မ လက်ပတ်နာရီကလေး မရှိတော့ဘူး ”
“ ဟုတ်ရဲ့လား ”
“ ဟုတ်ပါတယ်။ ကျွန်မရဲ့ ပိုက်ဆံအိတ်ထဲလည်း ဘယ်ထည့်မှာလဲ .. လက်မှာ ပတ်လာတာကို တယောက်ယောက်က အလစ်မှာ ဖြုတ်ယူသွားတာ သေချာတယ် ”
အယ်ဒီတာအဖွဲ့က ကျွန်မစိတ်မကောင်း ဖြစ်သွားမှာ စိုးရိမ်နေကြတယ်လေ။
“ စိတ်မပူပါနဲ့ .. မကြိုက်တော့တာက ဝယ်ပြီး နောက်နေ့ကတည်းကလေ။ အခုမှပဲ နာရီလဲနိုင်တော့မယ် .. ဝမ်းသာလိုက်တာ ” ဆိုတော့ သူတို့က ရယ်ကြတယ်။
“ ဒါဆို မညို ဘယ်လို လုပ်မှာလဲ ”
“ နာရီကို အလစ်သုတ်သွားခံရလို့ ဝမ်းသာသွားတယ်လို့ပဲ ဝတ္ထုတိုတပုဒ် ရေးမှာပေါ့၊ စာမူခရမှာပေါ့”
“ ဖတ်ရတဲ့သူတွေက ယုံပါ့မလား .. နာရီပါသွားတာ ဝမ်းသာတယ်လို့ မထင်ဘူးလားလို့ပါ။ နာရီ မဟုတ်ဘဲ တခြားတခုခု ဖြစ်နေမလားလို့ တွေးစရာပဲ ”
အယ်ဒီတာတွေက နောက်တယ်။ ကျွန်မက ရိုးအသူပီပီ သူတို့နောက်ပြောင်တာကိုလည်း အဓိပ္ပာယ်မပေါက် နားမလည်ခဲ့ဘူး။ အိမ်အပြန်လမ်းကျမှ တရေးရေးတွေးမိ၊ စိတ်တိုမိ။ ဟွန်း သူတို့တွေလိုများ လူမဖောက်ပြားရရင် စိတ်ဖောက်ပြား ပစ်မယ်လို့များ သဘောရှိမှာ ကျနေတာပဲ။
ကျွန်မခင်ပွန်းက သူတတ်နိုင်တဲ့ ငွေအင်အားနဲ့ ကျွန်မကို Cymer ဆိုတဲ့ လက်ပတ်နာရီတလုံး ဝယ်ပေး ပါတယ်။ ကျေနပ်ပါတယ်။ နာရီတလုံး ရတာပဲဥစ္စာ။
“ ရိုးလက်စ်လိုပဲနော် ”တုထားတာဟာ အစစ်မဟုတ်ဘူး ဆိုတာလောက်တော့ ကျွန်မက ရိုးအပေမယ့် သိနားလည်ပါတယ်။ ကျွန်မ ဘာလိုချင်တယ်ဆိုတာကို ကိုယ့်ကိုယ်ကိုယ် သိသွားတယ်။ ကျွန်မလိုချင်တာ Rolex ပါလား။ အရင်က ကြားဖူးခဲ့ပေမယ့် အဲဒီ “ ရိုးလက်စ် ” ဟာ ဈေးကြီးတဲ့ ပစ္စည်းဆိုတာ သိနေတယ်။ ဒီတော့ ကြားဖူးတဲ့ အဆင့်မှာပဲ စိတ်ကူး ကရပ်တန့်သွားတယ်။ ဒါပေမယ့် ရလာတဲ့ Cymer ကို တန်ဖိုးမထားတတ်ဘူး။ မခက်ပေဘူးလား။
ကြိုးစားခြင်းနဲ့ ကုသိုလ်ကံဟာ ဆန္ဒကို ပြည့်ဝစေပါတယ်။ ကျွန်မဟာ ဆေးပညာနဲ့လည်း မကင်းကွာ၊ အနုပညာဖန်တီးမှုတခုကို အကောင်အထည်ဖော်ဝေမျှတဲ့ လူမှုဆက်ဆံရေး အရာရှိအလုပ်မှာ လစာ ဝင်ငွေကောင်းကောင်း ရှိလာပြီး ဆယ့်သုံးနှစ်တိုင် ကြိုးစား စုဆောင်းလာရတဲ့အတွက် ဒီတသက်တော့ မဝယ်နိုင်တော့ပါဘူးလို့ စိတ်လျှော့ထားတဲ့ “ ရိုးလက်စ် ” ကို ပိုင်ဆိုင်ခွင့် ရရှိလာပါတော့တယ်။
သူ့ ဒိုင်ခွက်နဲ့ လက်ပတ်နာရီ ကြိုးဟာ ငွေမဟုတ်ဘဲ ပလက်တီနမ် ဖြစ်တယ်ဆိုတာ။ ဒိုင်ခွက် ထိပ်က သရဖူကိုရော သံပတ်ပေးတဲ့ ခလုတ်ကိုပါ Rolex လို့ ကမ္ပည်းထိုးထားတယ် ဆိုတာ၊ သိန်းငါးဆယ်လောက် တန်ကြေးရှိတယ်ဆိုတာ လေမကြွားရင်၊ ထုတ်ဖော်မကြေညာရင် အတူနေထိုင်သူတွေမသိ။ ကျွန်မပဲ သိနေတာ။
ကုတ်ကုတ်ခဲခဲ စုဆောင်းဝယ်ယူထားတဲ့ “အမြတ်တနိုး နာရီ ” ကို ဘယ်သောအခါမှ သတိလက်လွတ် မထားဘူး။ လက်ကနေ ချွတ်တာနဲ့ တခါတည်း ပိုက်ဆံအိတ်ထဲကို ထည့်သိမ်းနေကျ။ အသက်ကြီးလာပြီမို့ ဘတ်စ်ကားတိုးမစီးတော့လို့ တက္ကစီနဲ့သွားရင်လည်း သတိရှိနေလို့ အရင်နှစ်ပေါင်းသုံးဆယ်တုန်းက “စီကို” အလစ်သုတ် ခံရတာမျိုးမဖြစ်နိုင်တော့ဘူး။
ပစ္စည်းသင်္ခါရ၊ လူသင်္ခါရ ဆိုတဲ့စကားကို နားလည်သိမှတ်ပါရဲ့။ ဒါပေမယ့်လည်း နာရီကလေး ပျောက်သွားခဲ့တယ်။ သွားစရာကိစ္စတခု အရေးကြီးတာနဲ့ ရေချိုးတုန်းက ချွတ်ထားတဲ့ နာရီကလေးကို ပြန်မပတ်ဖြစ်ဘဲ ကားကြုံနဲ့အမီ ကပျာကယာလိုက်သွားခဲ့ရပြီး သုံးလေးရက် ကင်းကွာသွားရတယ်။ အချိန်သိချင်ရင် ခေတ်ဓလေ့အတိုင်း မိုဘိုင်း လက်ကိုင်ဖုန်းကိုသာ အလွယ်ကြည့်ဖြစ်။ အိမ်မှာဆိုလည်း တိုင်ကပ်နာရီ မော့ကြည့်လိုက်ဖြစ်နဲ့။ အင်း .. အဲဒါတွေကြောင့်ပဲ လက်ပတ်နာရီကလေးကို လက်ကောက် ဝတ်မှာ ပတ်မထားဘူး ဆိုတာ သတိလက်လွတ်သွားခဲ့ရတာပါ။
ရွှေရောင်၊ စိန်ရောင်၊ ပုလဲရောင်တွေ မကွန့်မြူးထားလို့ အနီးကလူတွေက ကျွန်မရဲ့ နာရီဟာ တန်ဖိုးကြီးတယ်ဆိုတာ မသိကြတာပါပဲ။ သိကြစရာမှမလိုအပ်တာ။ ကျွန်မက တန်ဖိုးထားနေ၊ မြတ်နိုးနေဖို့သာ အရေးကြီးတာ မဟုတ်လား။
ဟော .. အခု ပစ္စည်းပျောက်ရပြီ။ ကိုယ်ပဲကြိတ်ရှာပေတော့ပေါ့။တရက်၊ နှစ်ရက်၊ သုံးရက်လောက် ကြာလာတော့ ကျွန်မရဲ့ ရိုးလက်စ် ပျောက်ပြဿနာကို အိမ်သားတွေလည်း ရိပ်မိလာကြကုန်ပါလေရော။ ဒီငွေရောင် လက်ပတ်နာရီကိုများ ရေးကြီးခွင်ကျယ် ဖြစ်နေရတယ်လို့ သူတို့ ထင်ချင်ထင်ပါစေ။ ပြန်တွေ့ဖို့သာ အရေးကြီးတာပါ။
ရှာ လိုက်ရတာများ စာအုပ်စင်ပေါ် စာအုပ်တွေကြားထဲ စားပွဲတွေပေါ် ကြမ်းပြင်မကျန် တခန်းလုံး နေရာ အနှံ့။ သြော် .. သြော် မီးခံသေတ္တာထဲမှာ ယောင်ရမ်း ထည့်သိမ်းမိသလားနဲ့။ ကျွန်မက သိပ်ရှိုးမများ တတ်ပေမယ့် အဝတ်အစား သွားရလာရတဲ့ ပွဲလမ်းသဘင်နဲ့ လိုက်လျော ညီထွေအောင်တော့ ပြင်ရဆင်ရ၊ လက်ကိုင်အိတ်တွေ ပြောင်းလဲကိုင်သွားရတတ်တာ။ အဲဒီ အိတ်တွေထဲမှာ ထည့်ထားနိုင်တယ် ဆိုပြီး စဉ်းစားမိရင်း ရှာရင်း ကျွန်မမှာ စိတ်ထောင်းကိုယ်ကြေနဲ့ အင်မတန်လျှော့ရခက်တဲ့ ကိုယ်အလေး ချိန်တောင် မသိမသာ လျော့ကျသွားတဲ့အထိ။
ညတိုင်ကျရင်လည်း အိပ်ပျော်နေရာက သတိရလာပြီး ထထိုင်။ ပိုက်ဆံအိတ်တွေ ထရှာကြည့်။ အဲဒီတော့မှပဲ လက်ပတ်နာရီကလေးကို ခွေခွေကလေး စမ်းမိရပါတော့တယ်။ မည်သူမဆို ကျွန်မက “ အမြတ်တနိုး လက်ပတ်နာရီ ” လို့ တင်စားသလိုပဲ တန်ဖိုးအထားဆုံး ဘယ်အရာကိုဖြစ်ဖြစ် တခုတည်းကိုသာ ဦးထိပ်ပန်ဆင်ထားပြီး ရင်ဝယ်ပိုက်ထွေး ကြစမြဲ မဟုတ်ပါလား။
* မြနှောင်းညို
